ગયું છે, એ ખરેખર તો કશે જાતું નથી હોતું!
બધું ભૂલી જવાથી કાંઈ ભૂલાતું નથી હોતું!
વ્યથા બીજા સુધી પહોંચાડવાનો યત્ન છે શાયદ,
જે પંખી હોય છે પિંજરમાં એ ગાતું નથી હોતું!
નથી હોતું, સતત એ આપણી નજરે ચડ્યા કરતું;
અને જે હોય છે એ ક્યાંય દેખાતું નથી હોતું!
ભલે દાવો કરે, પણ કોઈ એવું નીકળે થોડું?
ન જે ખાવા ય દેતું હોય ને ખાતું નથી હોતું!
તમે શોધ્યા કર્યું છે બ્હાર, એથી થાપ ખાધી છે;
વસ્યું છે ભીતરે એ તેજ પરખાતું નથી હોતું!
: હિમલ પંડ્યા
No comments:
Post a Comment