આવવું, રહેવું અને પાછા જવું;
બોલ, આમાં ક્યાં છે કરવાનું નવું?
બોલ, આમાં ક્યાં છે કરવાનું નવું?
બસ, ખપી જાવાનો રસ્તો અે ય છે,
કોઈને ઉપયોગમાં આવી જવું!
કોઈને ઉપયોગમાં આવી જવું!
જ્યાં સુધી રહીએ ચલણમાં ત્યાં સુધી,
આપણી પાસેનું ઉત્તમ આપવું;
આપણી પાસેનું ઉત્તમ આપવું;
દૂર રહીએ ઓળખી લીધા પછી,
ક્યાં સુધી લઈને ફરીશું ત્રાજવું?
ક્યાં સુધી લઈને ફરીશું ત્રાજવું?
કેમ? લોકેશન મળ્યું ના મેપમાં?
વૃધ્ધ પૂછે છે કરીને નેજવું!
વૃધ્ધ પૂછે છે કરીને નેજવું!
હું અનુભવથી જ એ શીખી ગયો!
કે અનુભવ શીખવે - અે શીખવું.
કે અનુભવ શીખવે - અે શીખવું.
: હિમલ પંડ્યા