એમ ચારેકોર ચર્ચાઈ ગયો,
વાંક ન્હોતો પણ વગોવાઈ ગયો!
વાંક ન્હોતો પણ વગોવાઈ ગયો!
જીંદગીભરનો કરેલો વાયદો,
એક સપનું થઈને સચવાઈ ગયો!
એક સપનું થઈને સચવાઈ ગયો!
આપણો કહેવાતો એ સારો સમય,
ક્યાંક આડે હાથ મૂકાઈ ગયો!
ક્યાંક આડે હાથ મૂકાઈ ગયો!
પીઠ પાછળ હાથ જે ફરતો હતો,
એક કપરી પળમાં પરખાઈ ગયો!
એક કપરી પળમાં પરખાઈ ગયો!
એક અવસર જેમ હોવું આપણું;
ધૂમથી ઉજવાયો, વિસરાઈ ગયો!
ધૂમથી ઉજવાયો, વિસરાઈ ગયો!
શ્વાસ નામેરી હવાને સંઘરી,
દેહનો ફુગ્ગો ય ફૂલાઈ ગયો!
દેહનો ફુગ્ગો ય ફૂલાઈ ગયો!
જીંદગી! જીવવું તને ભારે પડ્યું!
હું અમસ્તો સાવ અંજાઈ ગયો;
હું અમસ્તો સાવ અંજાઈ ગયો;
"પાર્થ" આ ભીતર વલોવાતો ડૂમો,
શબ્દના હોવાથી સચવાઈ ગયો!
શબ્દના હોવાથી સચવાઈ ગયો!
:
હિમલ પંડ્યા "પાર્થ"